Eksponeringskartlegging ved norske aluminiumverk. Delrapport Hydro Aluminium Sunndal

Ved aluminiumsmelteverket på Sunndalsøra er det føretatt arbeidsmiljømålingar som inngår i del 2 av prosjektet ” Hallastma i produksjon av primæraluminium (HAPPA). Målingane vart utført i perioden 23. - 28. januar 2006. Eksponeringsnivåa for aerosol og gassar vart undersøkt med forskjellig utstyr og for dei mest aktuelle jobbkategoriane. I alle Respicon- og ”Totalstøv”-kassettprøvene vart både vassløyseleg og partikulært fluorid fastsett. Prosjektet nytta prøvetakingsutstyr som fylgjer dei internasjonalt aksepterte kriteria for helserelaterte aerosolfraksjonar. Totalt ved Hydro Aluminium Sunndal (HAS) vart det tatt eksponeringsprøver av 51 personar. I den grad det var praktisk mogeleg vart det tatt fleire eksponeringsprøver av same person. Av dette har ein 83 eksponeringsprøver tatt med IOM kassett, 92 eksponeringsprøver tatt med ”Totalstøv”- kassett, 99 eksponeringsprøver tatt med Respicon og 83 prøver av eksponeringa for HF og SO2. I tillegg vart det fastsett fluorid med ulike kjemisk sambinding i aerosolen. Resultata viser at der var stor spreiing i luftkonsentrasjonar over heile arbeidsskiftet for dei einskilde jobbkategoriane. Kortvarig høg eksponering ser ut til å være den største utfordringa for industrien. Den høgaste eksponeringa er målt for jobbkategorien anodeskiftar, medan lågast vart målt for tappar. Resultata ved bruk av ”Totalstøv”-kassett kan samanliknast med gjeldande administrativ norm då denne baserar [...]